Almaty Museum of Arts Орталық Азиядағы жетекші заманауи өнер орталығы болуға ұмтылады. Музей коллекциясында қазақстандық біртуар қылқалам шеберлері мен әлемдік деңгейдегі айтулы жұмыстардан тұратын 700-ден астам туынды бар. Музейдің Сақтау бөліміндегі мамандар туындылар туралы ақпаратты ұдайы толықтырып, нақтылап отырады. Біздің коллекциямыздағы жұмыстар ғалымдарға қолжетімді болып, зерттеуге және шабыттануға жол ашатын құнды мұра болуы үшін барымызды саламыз.