Есік, Еңбекшіқазақ ауданы, Алматы облысы 1917-2008 Алматы, Қазақстан

(1917, Есік – 2008, Алматы) Қазақстанда кәсіби білім алған тұңғыш әйел суретші Айша Ғалымбаева – Орталық Азия өнерінің бастауында тұрған тұлғалардың бірі. Оның ауыл өмірінен бастап өндіріс тынысы мен әсерлі портреттерге дейінгі туындыларынан кеңестік қоғамдағы әйелдің орны анық аңғарылады. Айша Алматыдағы Театр және Көркемсурет училищесінде суретші әрі оқытушы Леонид Леонтьевтің жетекшілігімен оқыған. Оның да туындылары «Қонақтар» көрмесінде ұсынылған. Кейін Мәскеудегі Бүкілресейлік мемлекеттік кинематография институтына (ВГИК) түсіп, 1949 жылы елге оралған соң қоюшы-суретші және костюм дизайнері болып жұмыс істеді. Ұлттық киімге қызығушылығының нәтижесінде бүкіл Қазақстанды аралап, жасаған зерттеулеріне сүйене отырып, иллюстрацияларын өзі салған «Қазақ ұлттық киімі» (1958) атты кітабы жарық көрді. «Қонақтар» көрмесінде қойылған «Келін» атты туындысында ол домбыра мен ұлттық киім секілді нышандар арқылы төл болмысты бейнелейді. Көрменің басты тақырыптары саналатын қонақжайлық пен мереке «Қойшылар тойы» және «Ақ құман» картиналарында көрініс тапқан. Ал «Достық» атты еңбегінде Қырғи-қабақ соғыс кезеңіндегі халықаралық ынтымақтастықты бейнелейді. Бұл туынды оның 1973 жылы Алматыда өткен Афро-Азиялық жазушылар конференциясында делегаттарды қарсы алған сәтіне сілтеме жасайды.