Ташкент, Өзбекстан 1949-2008 Алматы, Қазақстан

(1949, Ташкент – 2008, Алматы) Рустам Хальфин Орталық Азиядағы қазіргі заманғы өнердің негізін қалаушылардың бірі саналады. Ташкентте дүниеге келген, Санкт-Петербург пен Мәскеуде оқыған. Онда ол Қазимир Малевичтің шәкірті Владимир Стерлиговтың студиясында тәлім алды. Осы мектеп қалыптастырған «тостаған-күмбезді сана» жүйесі, яғни домалақ формаларға негізделген кеңістік теориясы Хальфиннің кеңістікті қабылдауының өзегіне айналды. Ол бұл тұжырымды жергілікті санамен де сабақтастыра білді, киіз үйдің күмбезі мен шай ішетін кеселер осы тұжырымның қазақ даласындағы көрінісі ретінде қарастырылды. Халфин сәулетші ретінде де дайындықтан өткен және Алматыдағы Республика алаңы сынды маңызды жобаларға қатысқан. Хальфин жұбайы Лидия Блиновамен бірге Қазақстанда тұңғыш концептуализм мен жаңа медиалық өнер бағыттарын дамытуға белсене кірісті. Олар видеоарт, инсталляция мен перформанс арқылы көшпелі болмысты посткеңестік жаһандық дискурспен ұштастыра білді. 1990-жылдары ол «пулота» ұғымын енгізді, бұл – түйілген жұдырықтың ішінде пайда болатын қуыс кеңістік. Хальфин оны көру құралы ретінде, әрі өз шығармаларында кеңістік пен кескіннің элементі ретінде қолданды. «Қонақтар» көрмесінде ұсынылған «Жанрдан тыс» атты картинасы Хальфиннің дәстүрлі көркемдік шеңберден тыс ойлауға ұмтылған шығармашылық ізденістерінің жемісіне баланады. Бұл – кескіндеме арқылы көрудің жаңа тәсілі.