1969 ж.т., Алматы

Берлин мен Алматы қалаларында тұрады және жұмыс істейді. «Менің білім алу негізім – кеңестік футуризм мектебі. Өз шығармашылығымда мен оны көшпелі эстетикамен ұштастырамын. Жұмыстарымда модерн өнері мен қазіргі заманғы өнер эстетикасынан алынған ерекше бейнелеу әдістерін қолданамын. Бұл әдістерді мен өзімнің жеке архаикалық атавизмімді, белгілі бір мистикалық антропоморфизмді зерттеу құралы ретінде пайдаланамын. Басқаша айтқанда, мен Каспий, Байқоңыр мен Алтай арасындағы құрғақ әрі шаңды далаларда өмір сүрген халықтардың ортақ рухани тәжірибесін – Эгрегор табиғатын зерттеймін. Меніңше, орыс тіліндегі «архаикалық атавизм» тіркесі белгілі бір мәнге ие тіршілік иесімен ассоциациялануы мүмкін, бұл оған жаңа мағыналар қосады. Біз тек ұжымдық бейсаналықтағы архаикалық идея немесе элемент туралы емес, белсенді субъектіге айналатын архаикалық атавизмнің бейнесі туралы айтып отырмыз. Өйткені біздің архаикалық атавизміміз ішімізде емес, сыртта орналасқан. Оны посткеңестік тәжірибе оятқан тіршілік иесімен салыстыруға болады: ол 80 жылдық кеңестік билік пен мәдени геноцидтен кейін өзін қайта тауып, қазіргі өнердегі трансұлттық идеялар айналымымен диалог арқылы мәдениеттену үдерісіне қызығушылық танытқандай. Осы диалог үшін мен медиатор ретінде видео мен фотографияны таңдадым, жинақталған деректерді деректі және қойылымдық түсірілімдермен біріктірдім. Мен оның «Кіммін мен?» және «Қайда бара жатырмын?» деген сұрақтарын қоятын үніне айналғандаймын. Осы тосын тәжірибе менің көркемдік тілімді айқындайды.» Суретшінің соңғы көрмелерінің қатарында Арнем музейіндегі (Арнем, 2019) және Гран Пале сарайындағы (Париж, 2016) жеке көрмелерін, сондай-ақ As Though We Hid the Sun in a Sea of Stories, Haus der Kulturen (Берлин, 2023), Тай биенналесін (Чианграй, 2023), Шарджаның 15-биенналесін (2023), Гуанчжоудың 7-триенналесін (2023), 2-ші Лахор биенналесін (2020), Elective Affinities, NCCA (Мәскеу, 2015), The Union of Fire and Water жобасын 56-Венеция биенналесінде (2015), 8-Сидней биенналесін (2012) және 1-Киев биенналесін (2012) атап өтуге болады.