Қызылорда облысы, Қазақстан 1926-2002 Алматы, Казахстан

(1923, Батыр – 2002, Алматы) Қазақ суретшісі Сахи Романов кескіндеме, графика және кино салаларында қатар еңбек етіп, реалистік мәнерін кинематографиялық ырғақ пен қозғалысқа толықтыра түсті. Жастайынан жетім қалып, Екінші дүниежүзілік соғыс кезінде қару-жарақ зауытында жұмыс істегенімен, өнерден қол үзген жоқ. Романов Мәскеу көркемсурет мектебінде, кейін И. Репин атындағы институт пен Бүкілресейлік мемлекеттік кинематография институтында (ВГИК) білім алып, 1950 жылдары Қазақстанға оралды. Оның шығармашылық жолы елдегі басты мемлекеттік киностудия «Қазақфильмде» қоюшы-суретші әрі костюм суретшісі ретінде басталды. Бұл қызметі оның бейнелеу тілін айқындап, суретші пейзаж, портрет және күнделікті тұрмыс көріністерін шебер үйлестіріп, қазақтың дәстүрлі ұлттық өнерін бағдар етті. Кинематограф корифейі, режиссер Шәкен Аймановпен ұзақ жылғы шығармашылық ынтымақтастығы бұл байланысты одан әрі тереңдете түсті. 1960–80 жылдары аралығында Романов фильм жұмыстары аясында Қазақстанды көп аралап, жолай эскиздер салып, кескіндемемен айналысты. Баянауылдың кең де көркем даласы суретшінің жүрегінде өшпестей із қалдырған. «Қонаққа бара жатқанда» атты картинасы сол әсердің жарқын көрінісі іспетті. Бұл туындыдан дала төсін бойлай сапар шеккен отбасының әр мүшесінің бойын кернеген жылу, жақындық және асыға күткен ортақ қуаныш лебі айқын сезіледі. Құдды кинокадрдай.