Атырау облысы, Амангелді атындағы бригада шаруашылығы 1937-1988 Алматы

(1937, Забурунье – 1982, Алматы) Түсті батыл қолдануымен танылған Шаймардан Сариев – қазақтың «алпысыншы жылдар» буынының жарқын өкілі, ұлттық кескіндеме мектебінің қалыптасуы жолында еңбектенген тұлғалардың бірі. Ол 1959–1962 жылдары Харьков көркемөнер институтында білім алып, Алматыға оралған соң, 1976 жылдан бастап 1982 жылға дейін «Жазушы» және «Жалын» баспаларында кітап безендіру және иллюстрация саласында еңбек етті. Сариев үшін түс басты көркемдік құрал болды. Суретші өзінің шығармашылық ұстанымынадеген көзқарасын былай білдіретін: «Бояуға қазақы мінез қос», «Балауыздан мүсін жасағандай боя»,«Қылқаламыңнан мәңгілікке деген күмән тамсын». Сариев өз өнерін еуропалық кескіндеме мен қазақы дүниетанымның тоғысы ретінде қабылдады. Әсіресе, оның портреттерінен жарқын әрі қазақы танымға сіңісті бояу үйлесімі, мәнерлі пішіндер мен көркем силуэттер ерекше көзге түседі. «Қонақтар» көрмесіндегі «Ұлымның портреті» туындысында отбасы өзіне тиесілі кеңістік, рухани тамыр ретінде көрініс табады. Суретші ойлы да өткір жанарымен қараған баланың бейнесі арқылы сол жақындықты бейнелейді. Композициядағы нәзіктік пен ішкі рух беріктігі суретшінің психологиялық иірімдерді шебер жеткізе алатынын дәлелдейді.