1981 ж.т., Ташкент, Өзбекстан

Саодат Исмаилова — деректі және эксперименталды кино мен визуалды өнердің тоғысқан шекарасында жұмыс істейтін, Орталық Азия тарихы, экологиясы және әйелдердің өмірлік тәжірибесін зерттейтін танымал өзбек режиссері және суретшісі. Оның шығармашылығы шығыстану мен кеңестік дискурстарды деколониалдық әрі феминистік көзқарас шең- берінде қайта қарастырады. Ташкент пен кейінірек Fabrica and Le Fresnoy мектептерінде білім алған Исмаилова бүгінгі күні халық аралық деңгейде мойындалған, әсіресе 2022 жылғы Венеция биенналесі мен documenta fifteen көрмелерінде атағы шарықтады. Исмаилованың стилі — өзбек поэтикалық киносының әсерінен туған бейнелі эстетика мен бай символизмге негізделген. «Қонақтар» көр- месінде ұсынылған «Оның құқығы» атты бір арналы фильмі жоғарыдағы сипаттаманың айқын дәлеліндей. Бұл туынды 1924 жылы басталған кеңестік «Худжум» науқанына арналған. «Худжум» («шабуыл») — комму- нистік партияның өзбек әйелдерін шариғаттық киімнен, атап айтқанда, пәренжеден күшпен арылту арқылы «азат ету» саясаты болатын. Исмайылова бұл туындысында классикалық өзбек киносының кадр- ларын қайта қолданып, Хужумның әйелдерге тигізген күрделі әсерін, уәде етілген азаттық пен шынайы әлеуметтік қысым, қауіп-қатер мен насихат аралығындағы ішкі драманы бейнелейді. Ол тарихи оқиғаны жеке сезімдер мен нәзік нюанстар арқылы беріп, әйелдердің ішкі әлеміне терең үңіледі. Бұл фильм — Исмайылованың архивпен жұмыс істеу әдісі мен нәзік, бірақ қуатты көркемдік пайымының айқын көрінісі.