1959 ж.т., Алматы, Қазақстан

(1959, Алматы – бүгінгі таңда Алматыда тұрып, шығармашылықпен айналысады) Мүсінші әрі график Асқар Есенбаев – посткеңестік кезеңдегі ұлттық өнердің көркем тілін қалыптастырған суретшілер буынының өкілі. Ол дайын оқиғаны иллюстрациялауға емес, символизм, аллегория және күшейтілген эмоциялық экспрессия арқылы қазіргі өмірдің күрделілігін бейнелеуге ден қояды. Суретші 1978 жылы Н. Гоголь Алматы көркемсурет училищесін, 1985 жылы Мәскеудегі В. Суриков атындағы көркемсурет институтын тәмамдаған. Есенбаевтың мүсіндік тілі алуан түрлі: кейде минималистік әрі абстрактілі, кейде айқын образды әрі экспрессивті. Ол көне түркі мүсін өнерінің элементтерін модернистік формалармен үйлестіре отырып, өзіне тән көркем синтез жасайды.Көрмеде ұсынылған «Нұқ кемесі» атты жұмысында адамзаттың дағдарыс кезіндегі мәжбүрлі бірге өмір сүру идеясы бейнеленеді. Бұл – Орталық Азия тарихындағы жер аудару, көші-қон және ұжымдық жарақат секілді оқиғалармен үндеседі. Сонымен қатар бұл мүсін адамзаттың бұзылыс жағдайындағы ортақ үміт, төзім мен ынтымақ сәттерінде бәріміз бір кемедеміз деген ойды да астарлайды.