Абай Базар ауылы, Келес ауданы, Оңтүстік Қазақстан облысы 1942-1995

(1942, Абай – 1995, Алматы) Рысбек Ахметов – тұзбен әшекейленген шамот материалынан жасалған шағын мүсіндерімен танылған қазақ мүсіншісі. Ол қарапайым сұлбалар мен пішіндерді тот басқан текстурамен үйлестіре отырып, халық және ұлттық оқиғаларды бейнелеген. Ахметов Ташкенттегі көркемсурет училищесін (1963) және А. Островский атындағы Ташкент мемлекеттік театр-көркемсурет институтын (1967) тәмамдаған. Мүсінші қазақ халқының фольклорлық бейнелерінен шабыт алып, отбасы өмірі, дала кеңістігі мен күнделікті тұрмыс-салттарды заманауи бейнелеу тіліне енгізді, ал шығармаларында жиі қолданған шамот материалынан күнге күйіп құрғаған даланың жылуы сезіледі. Ахметовтың еңбектерінде атқа мінген балалары, есектері, ертегі кейіпкерлері мен эпос батырлары – барлығы да жеңіл әзіл мен мейірімге толы. «Қонақтар» көрмесіне қойылған «Дала әуені» атты жұмысы домбыра тартып отырған салт атты бейнесі арқылы ұлттық сарынын жеткізсе, «Бес ағайынды», «Аналық», «Отбасы» секілді туындылар отбасы құндылықтарының маңызын алға тартады. Алайда бұл композициялар бір мезетте ойнақы мәнерде ұсынылған. Ал «Арман» атты жұмысы алаңсыз балалық шақтың болмысын дөп басады. Рысбек Ахметов пішіннің қарапайымдылығы мен ұсақ бөлшектердің аздығы көрерменді автормен бірге ойлануға шақырып, туынды мәнін әр адамның жеке қабылдауына әсер ететініне сенетін.