1967 ж.т., Ташкент, Өзбекстан

Диляра Каипова — дәстүрлі Орталық Азия маталарын заманауи өнер тілімен қайта ойлап, өзгеше мағынамен байытатын өзбек суретшісі. Ол қолмен тоқылған абра маталарындағы ұлттық өрнектерді Дарт Вей- дер мен Микки Маус сияқты поп-мәдениет кейіпкерлерімен ұштасты- рып, жаһандану мен ұлттық бірегейлік туралы өткір ой тастайды. Сондай-ақ, Каипованың жұмысы Өзбекстандағы мақта шаруашылығының ауыр мұрасын, оның экологиялық, мәдени және әлеуметтік салдарын да зерттейді. «Қонақтар» көрмесінде Каипованың NoolOdin атты медиаөнер- мен айналысатын, суретшілер дуэтімен бірлесіп жасаған «Пахта» атты өзбек шапаны ұсынылған. Жасыл түсті бұл шапанның ақ өрнегі алғаш қарағанда ежелгі араб куфик жазуына ұқсайды. Алайда бұл өрнек — «пахта» (мақта) сөзінің NoolOdin жасаған үштік код жүй- есімен шифрланған нұсқасы. Бұл жүйе әр цифрды үш түрлі көрнекі элементке айналдырады. Осы арқылы жұмыс Өзбекстанның колониялық мақта тарихына және өзбек тілінің жазу жүйелеріндегі (араб, латын, кириллица) тарихи ауысымдарына сілтеме жасайды. Бұл элементтер мәдени үдерістердің үздіксіз өзгеруін және тілдің адамның болмысы мен мәдениетіне ықпалын көрсетеді.