1964 ж.т., Түлкібас темір жол вокзалы, Қазақстан

(1964 жылы, Түлкібас – Алматыда тұрып, шығармашылықпен айналысады) Ербосын Мелдібеков – концептуал бағыттағы қазіргі заманғы Орталық Азия суретшісі. Оның шығармашылығы билік пен тарихи мифтерді, әсіресе кеңестік және посткеңестік мұраларды сыни тұрғыда қайта қарауға негізделген. Алматыда монументал мүсін мамандығы бойынша білім алған ол, Кеңес Одағы құлағаннан кейін инсталляция, перформанс, видео және фотосурет сынды жаңа медиаларға бет бұрып, көркем материалды идеологиялық талдаудың құралына айналдырды. Мелдібековтің маңызды жобаларының бірі – «Коммунизм шыңы». Бұл туынды кеңес кезеңінде табиғатқа саясиланған атаулар беру, атап айтқанда, тау шыңдарын мемлекет басшыларының есімімен атау үрдісін тікелей нысанаға алады. ХХ ғасырда бір шыңның атауы алты рет өзгерген. Әдеткі су құятын легендерді «жергілікті тұрмыстық бұйым» ретінде пайдаланып, оларды тауға ұқсатып мүсіндеген суретші көрерменді Орталық Азияның таулы кеңістігі арқылы сұлулықтың астарына бойлап, тереңірек ойлануға шақырады. Меңдібеков нысандарында да, атауларында да өзіне тән ирониямен биліктің абсурдты логикасын, тоқтаусыз қайталана беретін сипатын әшкерелейді. Бұл оның өзіндік археологиялық зерттеуі секілді.