Волгоград облысы, Воскресенское ауылы 1939-1984

Қазақ график-суретшісі, КСРО Суретшілер одағының мүшесі, Қазақ КСР Ленин комсомолы сыйлығының лауреаты. 1939 жылы 10 ақпанда (кейбір деректерде 1940 жылы 10 ақпанда) Волгоград облысының Воскресенское ауылында дүниеге келген. Мақұм Қисамединов Н.Гоголь атындағы Алматы көркемсурет училищесін, 1967 жылы Суриков атындағы Мәскеу көркемсурет институтын бітіріп, Қазақстанға оралды. Ол семсерлесуге әуес болды, 1961 жылы спорт шебері атанды. Үйленген, Манас есімді ұл туды. 1984 жылы 44 жасында қайтыс болды.