1964 ж.т., Алматы, Қазақстан

Эдуард Казарян (1964, Алматы – Алматыда тұрып, шығармашылықпен айналысады) Эдуард Казарян – шағын пішіннен бастап қоғамдық кеңістіктегі монументалды мүсіндерге дейін әртүрлі ауқымда жұмыс істейтін қазақстандық мүсінші. Ол қола, болат және саз сияқты материалдарды қолданып, мозаика, гобелен, графика мен зергерлік бұйым жасау сынды алуан түрлі техникаларды меңгерген. 1990 жылы Алматы мемлекеттік театр және көркемсурет институтын тәмамдаған. Ол өз шығармаларының декоратив стилі, психологиялық нәзіктігі мен үнемі жаңашылдыққа бағытталған ізденістерімен танымал. Оның туындылары жиі қозғалысқа толы – адам мен жануар бейнелері бір-бірімен иіріліп, ағындап жатқандай әсер береді. 2015 жылы Алматыда шығармашылық байланыс пен идея алмасуға арналған Kazarian Art Center орталығын құрды. Казарянның шығармашылығы отбасы, үй, қарым-қатынас пен адам мен табиғат арасындағы терең байланыс тақырыптарын зерттейді. «Қонақтар» көрмесінде ұсынылған оның «Саяхатшының үйі» атты қола мүсіні суретшінің шеберхана-үй туралы пайымын бейнелейді. Бұл – оның мүсіндері, армандары мен естеліктері, яғни ең жеке әрі ең қымбат нәрселері туындайтын орын. Нақты өмірдегі алғашқы шеберханасына негізделген бұл бейне тұрақты емес, көшпелі, бүкіл әлемді шарлауға қабілетті нысан, тым болмаса суретшінің қиялында.